Katër persona të dyshuar, meshkuj kosovarë, janë arrestuar mbrëmjen e së enjtes në Malishevë, nën dyshimin se kanë sulmuar fizikisht dy zyrtarë policorë gjatë kryerjes së detyrës zyrtare.
Si pasojë e sulmit, dy zyrtarët policorë kanë pësuar lëndime trupore dhe kanë pranuar trajtim mjekësor. Gjendja e tyre shëndetësore raportohet të jetë stabile.
Me vendim të prokurorit kompetent, pas intervistimit nga organet e rendit, të dyshuarit janë dërguar në mbajtje, ndërsa rasti po hetohet nga autoritetet përkatëse.
“Malishevë 15.01.2026-20:00. Janë arrestuar katër të dyshuar meshkuj kosovarë, pasi që të njëjtit i kanë sulmuar fizikisht dy zyrtarë policorë. Si pasojë e lëndimeve të mara dy zyrtarët policorë kanë pranuar trajtim mjekësor. Me vendim të prokurorit të dyshuarit pas intervistimit dërgohen në mbajtje”, thuhet në raportin e policisë.