Presidentja e Kosovës, Vjosa Osmani, ka shprehur ngushëllimet e saj për ish-presidentin Hashim Thaçi dhe familjen e tij pas ndarjes nga jeta të babait të tij, Haxhi Thaçi.
“Me pikëllim mësuam lajmin për ndarjen nga jeta të z. Haxhi Thaçi, babait të ish-presidentit dhe ish-kryeministrit të Republikës së Kosovës, z. Hashim Thaçi. Humbja e babait është dhimbje e pamatshme, e cila lë boshllëk të pazëvendësueshëm tek më të dashurit,” ka shkruar në postim.
Presidentja Osmani ka vlerësuar kontributin dhe dashurinë e Haxhi Thaçit për atdheun, duke shpresuar që ato të shërbejnë si udhërrëfyes dhe kujtime krenarie për të gjithë ata që e kanë njohur.
Presidentja Osmani ka vlerësuar kontributin dhe dashurinë e Haxhi Thaçit për atdheun, duke shpresuar që ato të shërbejnë si udhërrëfyes dhe kujtime krenarie për të gjithë ata që e kanë njohur.
“Qoftë i përjetshëm kujtimi për të! I lehtë i qoftë dheu i Kosovës!”, ka përfunduar mesazhin e saj Presidentja Osmani.