Kryeministri i Kosovës, Albin Kurti, do të mbajë një konferencë për media këtë natë, për të dhënë detaje mbi shpërthimin që ka ndodhur në kanalin e Ibër-Lepencit në Zubin Potok.
“Kryeministri i Republikës së Kosovës, Albin Kurti mban konferencë për media. VENDI: Ndërtesa e Qeverisë KOHA: 23:30”, thuhet në njoftim.
Ndërkaq, ministri i Punëve të Brendshme, Xhelal Sveçla, ka reaguar pas shpërthimit që ka dëmtuar kanalin e Ibër-Lepencit.
Ai ka cilësuar këtë rast si një akt terrorist, duke e quajtur një sulm ndaj një infrastrukture kritike.
“Pas lajmërimeve Policia ka ardhur në vendin e ngjarjes. Meqë rast është parë se si rezultat i një akti terrorist, një pjesë e kanalit të Ibër-Lepencit është cilësuar si infrastrukturë kritike është dëmtuar”, ka thënë Sveçla./GazetaSinjali/
