Lideri i Aleancës për Ardhmërinë e Kosovës (AAK), Ramush Haradinaj, ka thënë se besimi i bashkatdhetarëve në partinë e tij po rritet çdo ditë.
Haradinaj këtë e ka bërë të ditur përmes një postimi në facebook, gjatë një takimi me bashkatdhetarë ku po qëndron për vizitë në Kapfenberg të Austrisë.
Shkrimi i plotë:
Besimi i bashkatdhetarëve në Aleancën për Ardhmërinë e Kosovës po rritet çdo ditë!
Sot në ambientet e shoqatës shqiptare “Internacional”, në Kapfenberg, mbajtëm takim me bashkatdhetarë dhe struktura të AAK-së. Gjatë bashkëbisedimit me ta, pata kënaqësinë t’i mirëprisja dhjetëra aderime të reja në AAK, ndër ta; Alban Lushtaku, Arbër e Avni Krasniqi, të cilët i bashkohen rrugëtimit tonë për një Kosovë të dinjitetshme, të konsoliduar dhe të zhvilluar ekonomikisht.
Mirënjohës të gjithëve që besojnë në vizionin dhe vlerat shtetformuese të Aleancës!
