Drejtori i QKMF në Prizren, Xhevat Elezkurtaj, përmes një njoftimi në rrjetin social facebook, ka bërë të ditur se Kujdesi Parësor Shëndetësor në bashkëpunim me komunën, është duke i bërë përgatitjet paraprake për dhënien e vaksines anti-covid, që në momentin kur ajo sigurohet nga autoritetet shëndetësore në vend.
Postimi i plotë
Shërbimi i vaksinimit pranë QKMF- Prizren, ka filluar përgatitjen e planit operacional per dhënien e vaksines anti -covid që në ditën e parë kur ajo të sigurohet.
Vaksinimi do të realizohet në bazë të një plani të detajuar në 10 Qendra të Mjekësisë Familjare dhe në 5 ambulanta të Mjekësisë Familjare.
Kemi filluar edhe përgatitjen e sigurimit të logjistikës për ruajtjen dhe transportin e vaksines. Jemi në kontakt me zyren e nënkryetarit të Komunës së Prizrenit, më shpresë që dozat e para të siguruara nga MSH dhe IKSHP të shpërndahen në Prizren në bazë të planifikimeve të tyre.
Ne do t’i kryejmë punët tona , sigurimi i vaksines nuk varet nga ne.