Gjashtë asamblistë të LDK-së në Komunën e Ferizajt iu janë bashkuar listës së Vjosa Osmanit për të garuar në zgjedhjet që pritet të mbahen në fillim të viti 2021.
Gjashtë asamblistët që dikur ishin të LDK-së, dje ata iu bashkuan iniciativës së Osmanit.
Hysnije Shanolli, Balton Dërguti, Ekrem Mustafa, Hesat Shatrolli, Burim Karameta, Ridvan Nebihu i janë bashkuar Osmanit.
Shanolli në një postim në Facebook, ka thënë se aty ku është interesi i Kosovës, janë edhe ata.
“Aty ku është konsistenca, mbajtja e fjalës dhe interesi i Kosovës jemi edhe ne.
Me presidenten Vjosa Osmani. Me Kosovën”, ka shkruar Shanolli.
Kryetarja e Kuvendit, Vjosa Osmani që në këto zgjedhje ka bërë të ditur se do të garojë me një iniciativë qytetare. /FrontOnline/
Klikoni KËTU për tu bërë pjesë e kanalit të TV Prizreni në Youtube.
