Gjykata në Serbi u ka shqiptuar nga 30 ditë paraburgim dy shqiptarëve, të cilët janë kapur në fundjavë nga xhandarmeria serbe.
Kryetari i Komunës së Prishtinës, Shpend Ahmeti, është shprehur se e njeh njërin prej tyre, duke bërë thirrje për lirimin e menjëhershëm të tij, transmeton Klan Kosova
“Blerimi [Maqastena] me një shok janë arrestuar nga xhandarmeria serbe te kufiri për shkak se si duket e kanë kaluar gabimisht. Sot gjykata në Serbi ja ka shqiptuar masen e paraburgimit prej 30 ditëve. Blerimi nuk ka qëllime të kqija e as nuk kalon kufij ilegalisht për me bo dicka. Është asambleist në Podujevë”, është shprehur Ahmeti.
“Ju bëj apel krejt institucioneve tona të bëjnë çmos për ta siguruar lirimin e Blerimit. Ju bëj apel edhe institucioneve në Serbi për lirimin sa më parë të Blerimit. Nuk ka nevojë për situata të tilla krize, e sidomos jo në pandemi!”, ka shkruar Ahmeti.