KRU “Hidroregjioni Jugor” në Prizren gjatë aksionit javor të ekipeve të inspektoratit të kompanisë, janë identifikuar dhe shkyçur nga rrjeti i ujësjellësit 26 lidhje ilegale të realizuara nga konsumatorët e papërgjegjshëm, 24 prej tyre në Prizren dhe 2 të tjera në Malishevë.
Tutje, KRU “Hidroregjioni Jugor” njofton se për këto veprime të jashtëligjshme do të merren masa ligjore, ndërsa u bën apel qytetarëve që të shmangin veprimet të cilat dëmtojnë furnizimin e drejtë me ujë.
“Aksioni për identifikimin e lidhjeve ilegale do të vazhdojë edhe në ditët në vijim. Ndaj të gjitha rasteve të evidentuara do të merren masat ligjore. Apelojmë tek të gjithë konsumatorët të respektojnë rregullat dhe të shmangin veprimet e jashtëligjshme, të cilat dëmtojnë furnizimin e drejtë dhe të rregullt me ujë për qytetarët tanë.”, njofton “Hidroregjioni Jugor”.