Kryeministri i Shqipërisë, Edi Rama, i ka reaguar 22 organizatave joqeveritare që i kanë bërë thirrje përfaësuesve të politikës e drejtuesve të shtetit që ta shmangin retorikën nxitëse dhe të krijojnë hapësirë për dialog, në kohën kur Shqipëria po përballet me protesta.
Rama u ka kërkuar këtyre organizatave që të japin të parët shembullin e dialogut dhe për sa i takon Qeverisë ata do të jenë aty.
“E ndërkohë distancohuni qartë nga dhuna, gurët, zjarrvënia e institucioneve, keqpërdorimi i të miturve, që të ndihmoni kësisoj edhe protestuesit paqësorë të ushtrojnë të drejtën e tyre, e cila nuk rrezikohet nga policia po nga dhunuesit që i prijnë maskaradës pseudo-studentore. Dhe po, të respektojmë të gjithë bashkë të drejtën e protestës paqësore – nga dhunuesit në krye të protestës!” – ka shkruar Rama në Facebook.
