Një çift nga Prizreni ka bërë apel publik për ndihmë financiare, me shpresën për të realizuar ëndrrën e tyre për t’u bërë prindër përmes procedurës së fertilizimit të asistuar (IVF).
Kadri Gashi, bashkëshorti i Mimoza Gashit, ka treguar se pas një periudhe të gjatë përpjekjesh dhe kontrolleve mjekësore, mjekët u kanë rekomanduar procedurën IVF si mundësinë e vetme për të pasur një fëmijë. Megjithatë, kostoja e trajtimit, që arrin rreth 2,150 euro, është e papërballueshme për familjen.
Sipas tij, çifti po përballet me vështirësi të mëdha financiare, pasi jetojnë me qira dhe mezi arrijnë të mbulojnë shpenzimet e përditshme. Për këtë arsye, ata po kërkojnë mbështetjen e qytetarëve dhe njerëzve me vullnet të mirë për të mbledhur shumën e nevojshme për trajtimin.
