Grupi i dyshuar për rastet e grabitjes dhe tentim grabitjes për dy ditë me radhë në Prizren ka rënë në prangat e Policisë, si rezultat i veprimeve hetimorë të ndërmarra që çuan në identifikimin e të dyshuarve. Katër persona të moshës së mitur u arrestuan dhe të njëjtit u dërguan në mbajtje, raporton Gazeta Sinjali.
Policia ka siguruar prova të mjaftueshme se të miturit më 7 dhe 8 janar janë përfshirë në rastet tentim grabitje dhe grabitje, ku kanë arritur që përmes forcës të përfitojnë para të gatshme nga viktima.
Sinjali ka mësuar se të dyshuarit janë I.B., E.Z., F.Z., dhe B.M., të cilët e kanë pranuar që kanë kryer veprat në fjalë, ndërsa janë edhe dy të dyshuar fëmijë, të moshës nën 14 vjeç.
