Ministri i Punëve të Brendshme, Xhelal Sveçla, është takuar me homologun shqiptar, Taulant Balla, me rastin e nisjes së Komitetit Mbikëqyrës me Britaninë e Madhe për luftimin e migracionit të paligjshëm.

“Diskutuam për rezultatet përbashkëta të arritura në kuadër luftimit të të gjitha formave të krimit si një vizion i yni për një rajon më të sigurt. U dakorduam për hapa dhe projekte konkrete në avancimin e bashkëpunimit dhe ngritjen e kapaciteteve institucionale dhe teknologjike për më shumë siguri dhe goditje të fuqishme ndaj grupeve kriminale”, ka njoftuar Sveçla.

Tutje ai ka thënë se janë pajtuar që takimi i radhës i këtij Komiteti të mbahet në Prishtinë./rtk/