Të dielën ka ndëruar jetë ish-kryeprokurori i Kosovës nga Mitrovica, Ismet Kabashi.
Familjarët e tij kanë bërë të ditur se varrimi i të ndjerit do të bëhet nesër më 14 prill në varrezat e Shipolit në Mitrovicë.
“Me dhimbje të thellë ju njoftojmë për ndarjen nga jeta e më të dashurit tonë, Ismet Kabashi. Ai u nda nga kjo jetë duke lënë pas një boshllëk në zemrat tona. Kujtimi për të do të mbetet i përjetshëm”, shkruan në Facebook familjarët e tij.
Ndër vite, Kabashi ka qenë kryesues i Këshillit Prokurorial të Kosovës, gjyqtar dhe kryetar i Gjykatës Komunale të Skenderajt, gjyqtar në Gjykatën e Qarkut në Mitrovicë, kryeprokuror në Prokurorinë Publike të Qarkut në Prishtinë dhe në Mitrovicë. Ai ka kryer detyrën edhe të avokatit në një periudhë kohore.
