Ministri në detyrë i Mbrojtjes, Ejup Maqedonci, ka pritur sot në takim ministren e Mbrojtjes së Luksemburgut, Yuriko Backes.
Përmes një njoftimi, ai ka bërë të ditur se gjatë takimit me ministren Backes, biseduan për mundësitë e reja të bashkëpunimit ndërmjet dy shteteve, duke theksuar gjithashtu edhe nevojën për mbështetje për integrimin euroatlantik të vendit, anëtarësimin e Kosovës në Këshillin e Evropës dhe organizata të tjera ndërkombëtare.
“Sot prita në takim ministren e mbrojtjes të Luksemburgut,Yuriko Backes me të cilën biseduam për mundësitë e reja të bashkëpunimit ndërmjet dy shteteve në segmenetet ku Kosova ka nevojë për mbështetje, ndërsa shpreha dhe mirënjohjen e thellë për të gjitha investimet e vazhdueshme të Luksemburgut në shtetin tonë përmes projekteve zhvillimore, e që kanë ndikuar në përmirësimin e cilësisë së jetës në shumë aspekte, si dhe falenderim të veçantë për kontributin e trupave të tyre të cilët shërbejnë në Kontigjentin e Beneluksit në kuadër të KFOR-it. Jemi të gatshëm që bashkëpunimin me Luksemburgun në fushën e mbrojtjes ta thellojmë, derisa presim mbështetje për integrimin euroatlantik të vendit, anëtarësimin e Kosovës në Këshillin e Evropës dhe organizata të tjera ndërkombëtare”, shkruan në njoftimin e Maqedoncit.
Klikoni KËTU për tu bërë pjesë e kanalit të TV Prizreni në Youtube.
