Kompania Regjionale e Mbeturinave “Ekoregjioni” – Njësia në Prizren njofton se ka filluar me shtypjen dhe shpërndarjen e faturave për shërbimin e mbledhjes së mbeturinave nëpër fshatrat e komunës së Prizrenit.
Kompania u ka bërë apel të gjithë qytetarëve që, pas pranimit të faturave, t’i kryejnë obligimet e tyre ndaj kompanisë.
Sipas Ekoregjionit, pagesa e rregullt e faturave është shumë e rëndësishme, pasi kompania funksionon me vetëfinancim dhe burimi kryesor për ofrimin e shërbimeve është inkasimi i faturave.
