Kryeministri në detyrë, Albin Kurti, ka reaguar pas lajmit për nënshkrimin e kontratës të KOSTT për nënstacionin e ri të Malishevës, e cila sipas tij, mundëson që nënstacioni i ri të ofrojë cilësi më të lartë të furnizimit me energji elektrike.
“Një lajm tejet i mirë dhe i shumëpritur për banorët e Malishevës. Nënstacioni i ri do të ofrojë cilësi më të lartë të furnizimit me energji elektrike, siguri më të madhe dhe bazë të fortë për zhvillim të ekonomisë lokale” – shkruan Kurti në Facebook.
Ministrja e Ekonomisë, Artane Rizvanolli, ka njoftuar sot se KOSTT ka nënshkruar kontratën për nënstacionin e ri të Malishevës.
Ajo ka thënëse “qysh nga viti i parë i qeverisjes ne e kemi ngritur këtë çështje me KOSTT-in, i cili e ka vendosur këtë projekt në plan të investimeve, dhe KEDS-in, i cili e ka bërë një zgjidhje të përkohshme me super-përçues për periudhën tranzitore deri në ndërtim të nëstacionit”.
“Sepse qeverisja ynë kujdeset që qytetarët të trajtohen barabartë e të mos ketë diskriminim në baza politike! Falemnderit operatorëve për angazhimin e tyre për rrjetin e energjisë elektrike në Malishevë” – shtoi ajo.
- Reklama -