Një burrë është arrestuar në Prizren nën dyshimin se ka kanosur me armë një person dhe është prezantuar si zyrtar i Agjencisë së Kosovës për Inteligjencë (AKI).
Sipas Policisë, rasti është raportuar më 27.10.2026, rreth orës 23:50.
Ankuesi ka deklaruar te organet e rendit se i dyshuari e kishte kanosur me armë dhe ishte prezantuar si zyrtar i AKI-së.
Gjatë bastisjes në shtëpinë e të dyshuarit, Policia ka gjetur dhe sekuestruar një pistoletë me dy karikatorë dhe 28 fishekë. Sipas raportit policor, i dyshuari kishte leje për armën dhe municionin.
Pas intervistimit, me vendim të prokurorit, i dyshuari është dërguar në mbajtje.
Rasti është cilësuar si “Kanosje” dhe “Prezantim i rremë”.
Klikoni KËTU për tu bërë pjesë e kanalit të TV Prizreni në Youtube.
