Pas publikimit të rezultateve përfundimtare nga Komisioni Qendror Zgjedhor, në Panelin Zgjedhor për Ankesa dhe Parashtresa, deri tash janë parashtruar 15 ankesa nga kandidatë të ndryshëm të subjekteve politike të cilat kanë shprehur pakënaqësitë e tyre për rezultatin zgjedhor.
Nga ky institucion kanë bërë të ditur se këto ankesa janë pranuar deri në orën 17:00, me kandidatë që pretendojnë për parregullsi gjatë numërimit dhe mospërputhje të rezultateve nga formularët për kandidatë.
Subjektet politike mund të parashtrojnë ankesat deri 24 orë pas publikimit të rezultateve përfundimtare.
Në bazë të rezultateve përfundimtare, VV ja është partia e parë me 49.95 për qind, e pasuar nga PDK-së, me 16.9 për qind, LDK-ja me 12.64 për qind, AAK 7.078 për qind.