Kryetari i Prizrenit, Shaqir Totaj, përmes një shkrimi në facebook ka njoftuar se 130 kompjuterë dhe 30 aparate fotokopjuese do ti shtohen shkollave të Prizrenit.
Ai së bashku me Drejtoreshën Komunale të Arsimit, Luljeta Veselaj – Gutaj, kanë bërë pranimin e këtyre pajisjeve.
Njoftimi i plotë:
Investimet në arsim janë ndër çështjet që trajtohen me seriozitet të lartë në Komunën e Prizrenit, të cilat rrisin fuqinë punëtore të kualifikuar dhe janë çelës për rritjen ekonomike.
📚Arsimi rrit produktivitetin dhe kreativitetin e qytetarëve, veçanërisht të nxënësve, të cilët do të mbështeten në të gjitha format.
💻Sot, së bashku me Drejtoreshën Komunale të Arsimit, Luljeta Veselaj – Gutaj, bëmë pranimin e 130 kompjuterëve dhe 30 aparateve fotokopjuese, me të cilat do të furnizohen shkollat e Komunës sonë, në mënyrë që nxënësit tanë të jenë në hap me Teknologjinë Informative – profesionin e së tashmes dhe të ardhmes.