Kreu i Lidhjes Demokratike të Kosovës, Lumir Abdixhiku, pas mbledhjes së Lëvizjes Vetëvendosje ku propozoi Glauk Konjufcën mandatar të ri për Qeveri, ka thënë se kjo shfaqja teatrale dhe e mandatarëve pa numra, duhet të marrë fund.
“Kjo shfaqje teatrale, e mandatarëve pa numra, pa shumicë e pa legjitimitet demokratik, duhet të marrë fund. Republika nuk është material loje për llogaritje të vogla elektorale. Republika mbetet më e madhe se secili prej nesh. Trajtojeni si të tillë. Shiqoni qytetarët në sy e tregojuni se nuk ka shumicë. Tregojuni qytetarëve se secila parti shqiptare, ka dhënë verdiktin politik, të deponuar tashmë në Presidencë. Ky verdikt është i qartë e është i thejshtë. Sot, matematikisht, me vullnetin e deklaruar politik, nuk ka mundësi për shumicë”, shkroi Abdixhiku në Facebook.
