Shërbimi Spitalor dhe Klinik Universitar ka njoftuar se 11 pacientë janë duke u trajtuar për COVID-19 në Klinikat dhe Spitalet e Kosovës.
Prej personave të cilët po marrin trajtim për coronavirus, dy pacientë janë shtrirë në Mjekim Intensiv.
Pesë nga 11 të hospitalizuarit janë të konfirmuar me COVID-19, ndërsa gjashtë të tjerë janë post-COVID.
Sipas njoftimit të SHSKUK-së, gjashtë persona janë duke u trajtuar me oksigjeno-terapi.
“Raporti sipas klinikave dhe spitaleve të përgjithshme; Klinika Infektive – 7 pacientë, Mjekimi Intensiv në Klinikë Infektive – 2 pacientë, Klinika e Pediatrisë – 1 pacient, Spitali i Gjakovës – 1 pacient”, thuhet në raportin e SHSKUK-së.
