Lidhja Demokratike e Kosovës siç duket ka ende shpresa se do të fitojë në zgjedhjet e jashtëzakonshme parlamentare që pritet të mbahen në fund të janarit apo në fillim të shkurtit.
Nënkryetari i LDK-së, Agim Veliu me anë të një postimi në Facebook ka thënë se sot ka takuar kryetarët e nëndegëve të partisë në Podujevë, komunë kjo ku LDK i humbi zgjedhjet komunale, e në të cilën mbante pushtetin që nga paslufta.
E Veliu ka thënë se është i bindur që LDK do të konfirmohet si forca kryesore politike.
“Do të punojmë bashkë dhe duke i kanalizuar të gjitha kapacitetet tona për ta arritur fitoren e LDK-së dhe të Kosovës”, ka shkruar ai.
Postimi i plotë:
Në dy takime të ndara, sot takova kryetarët e nëndegëve të LDK-Podujevë, ku kërkova rritje të angazhimit dhe mobilizim për zgjedhjet e jashtëzakonshme parlamentare, në të cilat padyshim do të rikonfirmohemi si forca kryesore politike.
Do të punojmë bashkë dhe duke i kanalizuar të gjitha kapacitetet tona për ta arritur fitoren e LDK-së dhe të Kosovës.
