Universiteti “Ukshin Hoti” në Prizren ka mirëpritur të mërkurën studentët e rinj, me rastin e fillimit të vitit të ri akademik 2026/2027.
Në ceremoninë e pritjes, rektori i universitetit, Prof. Asoc. Dr. Mentor Alishani, dhe prorektorja, Prof. Ass. Dr. Adelina Rakaj, u uruan mirëseardhje studentëve, duke u dëshiruar suksese në rrugëtimin e tyre akademik.
Ndërkaq, kryetari i Parlamentit Studentor, Riad Bislimaj, theksoi rëndësinë e angazhimit dhe bashkëpunimit studentor gjatë viteve të studimit.
Gjatë aktivitetit, studentët e rinj u njohën me ambientet universitare, shërbimet studentore dhe mundësitë që ofron universiteti, si dhe me jetën akademike dhe studentore.
Klikoni KËTU për tu bërë pjesë e kanalit të TV Prizreni në Youtube.
