Djemtë dhe vajzat e dëshmorëve të UÇK-së janë lejuar nga Policia e Kosovës të hyjnë në oborrin e Qeverisë së Republikës së Kosovës, ku kanë dorëzuar një uniformë të Ushtrisë Çlirimtare të Kosovës, si dhe dosje me materiale që lidhen me kërkesën për ndryshimin e Ligjit për Dhomat e Specializuara të Kosovës.
Sipas organizatorëve, në dosjet e dorëzuara janë përfshirë edhe emrat e deputetëve të Kuvendit të Kosovës, së bashku me propozimet për ndryshimet e kërkuara në ligj.
Nisma vjen në një kohë kur në Kuvend është rikthyer në diskutim ndryshimi i Ligjit për Dhomat e Specializuara.
Partia Demokratike e Kosovës dorëzoi në Kuvend një projektligj për plotësimin dhe ndryshimin e këtij ligji.
