Kryetari komunës së Prizrenit Shaqir Totaj, së bashku me nënkryetarin Kujtim Gashi, Drejtorin e Shëndetësisë, Simir Krasniqi dhe disa zyrtarë të tjerë vëzhguan sot nga afër punimet që po zhvillohen në ndërtimin e QKMF-së së re, në ambientet e ish kampit të KFOR-it (Innovation and Training Park – ITP) në Prizren.
Ky objekt, me rreth 1.500 metra katrorë, është një projekt modern si në aspektin infrastrukturor ashtu edhe në atë të ofrimit të shërbimeve shëndetësore për qytetarët e Komunës së Prizrenit si dhe do të ofroj hapësirë të mjaftueshme parkimi për pacientët, bëhet e ditur nga zyra për informim e Komunës së Prizrenit.
