Dogana e Kosovës ka parandaluar një rast të shmangies së detyrimeve doganore në Pikën e Kalimit Kufitar në Vërmicë, ku janë zbuluar katër orë luksoze të markës Rolex, me vlerë të përafërt prej 33 mijë eurosh.
Sipas Doganës, gjatë kontrolleve rutinore, zyrtarët kanë ndaluar për kontroll një automjet që kishte hyrë me shpejtësi të lartë në territorin e Kosovës. Udhëtari, shtetas i huaj, gjatë pyetjes nga zyrtari doganor nuk kishte deklaruar se posedonte mallra apo vlera monetare për deklarim.
