Kryeministri i Kosovës, Albin Kurti, ka emëruar Sejnur Veshallin nga Prizreni në pozitën e zëvendësministrit në Ministrinë e Kulturës, Rinisë dhe Sportit.
Veshalli, i cili vjen nga komuniteti rom, ka reaguar pas emërimit, duke falënderuar kryeministrin Kurti për besimin e dhënë.
Në një postim të tij, ai ka thënë se në detyrën e re do të angazhohet për të dhënë kontributin e tij, me synimin për një shoqëri ku qytetarët trajtohen në mënyrë të barabartë dhe kanë mundësi të njëjta.
