Në Tiranë ra heshtja. Kryqëzimet, rrugët kryesore apo sheshet të cilat gumëzhimin deri në orët e vona të natës, madje pas mesnatë, nga ora 22:00 ishin të boshatisura.
Sot shënoi fillimin e orës policore në kuadër të parandalimit të pandemisë së koronavirusit.
Për tetë orë me radhë e gjithë Shqipëria do të jetë në shtetrrethim deri në 06:00 të mëngjesit të ditës së nesërme.
Masat kufizuese do të jenë në fuqi për tre javë.
Pas rënies së “gongut”, sheshi “Willson”, rruga “Myslym Shyri” , tek “Shallvaret”, apo “Blloku” ishte bosh.
Lokalet ishin të mbyllura, ndërsa nëpër rrugë tek tuk të zë syri ndonjë makinë e cila shpejton për tu kthyer në shtëpi.
Apo motoristë pice të cilët po shpërndajnë porositë.
Policët me maska bëjnë verifikimet e çdo drejtuesi mjeti i cili për një arsye apo një tjetër nuk i është bindur urdhrit policor.
Fotoreporteri i LSA, Malton Dibra sjell momente nga ajo çfarë ofronte Tirana sot në mbrëmje. E qetë, pa zhurmë, pa njerëz, vetëm gjethet e vjeshtës që bien nga pemët.
