Policia e Kosovës ka arrestuar një person nën dyshimet për të shtëna me armë zjarri në Bukosh të Suharekës.
Arrestimi i S.K. (61) ka ardhur pasi më datë 29 tetor 2026, rreth orës 14:30, në Nënstacionin Policor në Mushtisht janë paraqitur dy ankues, vëllezër mes vete, të cilët kanë deklaruar se derisa ishin në bjeshkën e Bukoshit duke prerë dru me leje të vlefshme nga Drejtoria e Pylltarisë, në një moment kanë dëgjuar një krismë arme, ndërsa një predhë kishte goditur automjetin e tyre pick-up.
Në konsultim me prokurorin e shtetit, është kryer bastisje në shtëpinë e të dyshuarit në Bukosh të Suharekës, ku është gjetur dhe sekuestruar një armë zjarri, pistoletë e tipit Zastava 99, si dhe 59 fishekë të kalibrit të panjohur.
Gjatë intervistimit, ai ka pranuar se kishte shtënë në ajër me armë, por ka deklaruar se nuk kishte për qëllim të lëndonte askënd. Me urdhër të prokurorit të shtetit, i dyshuari është ndaluar për 48 orë.
Klikoni KËTU për tu bërë pjesë e kanalit të TV Prizreni në Youtube.
