Tahiri: Në trevjetorin e keqqeverisjes, Kurti është dorëzuar dhe po kërkon zgjedhje

Shefi i deputetëve të Aleancës për Ardhmërinë e Kosovës, Besnik Tahiri, ka thënë se për tri vjet të qeverisjes Kurti, Kosova ka pësuar “dëme e kthim në pikën më të errët”.

Në një konferencë për media, Tahiri ka thënë se kryeministri Albin Kurti është dorëzuar dhe se po kërkon zgjedhje të parakohshme.

“Ne kemi përgatitur një kërkesë për një debat parlamentar në trevjetorin e kësaj keqqeverisje, e cila realisht ka arritur t’i bëjë vetëm dëme Kosovës dhe ta kthejë në pikën më të errët që nuk e ka besuar askush ndonjëherë”, ka thënë Tahiri.

Ai ka thënë se ajo qe e ka karakterizuar Qeverinë Kurti është se nuk i ka qëndruar prapa asnjë vendimi.

“Mirëpo unë jam i kënaqur që dje kryeministri Albin Kurti e tha edhe vetë dhe e ka kuptuar edhe vetë se ai duhet të dorëhiqet dhe vendi të shkojë në zgjedhje. Kur në fillim të këtij mandati, kryetari Haradinaj thoshte se ky është një mashtrues, njerëzit shikonin me habi të madhe. Ajo çka karakterizohet këto tri vjet është me të vërtetë një qeverisje që nuk i qëndron asnjë vendimi mbrapa dhe siç e patë edhe vetë, kryeministri u dorëzua në mandatin e tij të tretë dhe duke kërkuar që vendi të shkojë në zgjedhje”, u shpreh ai. / EO

Tahiri: Në trevjetorin e keqqeverisjes, Kurti është dorëzuar dhe po kërkon zgjedhje

Të tjera nga rubrika

Cakolli: LVV mund të arrijë në 52 mandate pas numërimit të votave me postë

Trump: Marrëveshja me Iranin e planifikuar të nëshkruhet nesër, Ngushtica e Hormuzit do të hapet për të gjithë

Përfundon numërimi nëpër qendrat komunale, ky është rezultati

Bie numri i nxënësve dhe studentëve në Kosovë, ASK jep detaje