Në deklarimin e tij pas mbledhjes së Kryesisë, shefi i Grupit parlamentar të PDK-së, Abelard Tahiri, ka folur edhe për deklarimet e kryeministrit Albin Kurti, për rritje ekonomike.
Tahiri ka thënë se qytetarët viteve të fundit kanë parë rritje enorme të çmimeve.
“Rritja e çmimeve iu pamundëson qytetarëve që me të ardhurat mujore të furnizohen me ushqime. Do të donim që të ishte e vërtetë ajo që ka deklaruar Kurti, që të kishte rritje ekonomike të tillë që do të afektonte mirëqenien e qytetarëve. Por nuk e kemi parë rritjen ekonomike, por rritjen e çmimeve”, ka thënë Tahiri.
