Spitali i Prizrenit me mbi 4 mijë e 700 operacione dhe mbi 19 mijë pacientë të hospitalizuar gjatë vitit 2024

Spitali i Përgjithshëm “Prim. Dr. Daut Mustafa” në Prizren në një njoftim të publikuar ka treguar se ka realizuar një vit të suksesshëm gjatë vitit 2024, me një gamë të gjerë shërbimesh shëndetësore dhe rritje të cilësisë së kujdesit për pacientët. Disa nga të dhënat kryesore të vitit 2024 përfshijnë:

19274 pacientë të hospitalizuar, të cilët shfrytëzuan gjithsej 66790 ditë shërimi.
4719 operacione të ndryshme.
297684 vizita ambulatore.
2416 lindje.
Gjithashtu, vitin e kaluar u zhvilluan tre shërbime të reja, të cilat kanë pasur një ndikim të madh në përmirësimin e ofrimit të shërbimeve shëndetësore:

Shërbimi i MRI-së – Ka filluar në shkurt dhe ka realizuar 1505 MRI.
Laboratori i kardiologjisë invazive – Ka filluar në qershor dhe ka realizuar 311 koronografi.
Kirurgia makmsillofaciale – Ka filluar në korrik, ka hospitalizuar 150 pacientë, ka kryer 49 operacione dhe ka ofruar 1407 vizita ambulatore.

Këto arritje janë pasqyrë e angazhimit të menaxhmentit dhe të gjithë punonjësve të spitalit për të ofruar shërbime më të avancuara dhe për të përmbushur nevojat e popullatës, thuhet në njoftim.