Drejtori Ekzekutiv i Spitalit të Përgjithshëm “Prim. Dr. Daut Mustafa” në Prizren, Osman Hajdari, së bashku me ekipin drejtues, ka pritur në takim përfaqësues të strukturave komunale të Prizrenit.
Në takim u diskutua forcimi i bashkëpunimit ndërinstitucional me qëllim përmirësimin e shërbimeve shëndetësore për qytetarët. Fokusi ishte në koordinimin e shërbimeve emergjente, përmirësimin e procesit të referimit të pacientëve, shfrytëzimin më efikas të resurseve dhe avancimin e shërbimeve diagnostike.
