LAJME

FSK zhvillon ushtrime në poligonin e Bizës në Shqipëri

FSK zhvillon ushtrime në poligonin e Bizës në Shqipëri
TV Prizreni
TV Prizreni
21 Nëntor 2026, 16:37

Në kuadër të avancimit të kapaciteteve operacionale, pjesëtarët e Forcës së Sigurisë së Kosovës (FSK) kanë realizuar qitje me municion luftarak me mortajën 120 mm të sistemit Vuran, në poligonin e Bizës në Shqipëri.

Sipas njoftimit të FSK-së, aktiviteti u realizua nga bateritë e Regjimentit të Mbështetjes Luftarake, në kuadër të Komandës së Forcave Tokësore.

Qitjen e kanë përcjellë nga afër Komandanti i KFT-së, Gjeneral Brigade Mehmet Lladrovci, stafi i tij, Atasheu Ushtarak i FSK-së në Shqipëri dhe përfaqësues të Forcave të Armatosura të Shqipërisë.

Gjatë aktivitetit u vlerësua zbatimi i procedurave të planifikimit, ekzekutimit dhe sigurisë gjatë mbështetjes luftarake me zjarr indirekt.

Me këtë rast, Gjeneral Brigade Lladrovci falënderoi përfaqësuesit e ushtrisë shqiptare për mbështetjen e vazhdueshme, si dhe pjesëtarët e RML-së për angazhimin në zhvillimin e kapaciteteve operacionale të njësisë.

Klikoni KËTU për tu bërë pjesë e kanalit të TV Prizreni në Youtube.

Të tjera nga rubrika