Krahina e Lumes është një nga krahinat më të njohura e të gjithë trojeve shqiptare për historinë e saj.Historiani i njohur ushtarak Sali Onuzi, ka shkruar për pozitën gjeografike të kësaj krahine dhe rëndësinë e madhe për betejën e Lumës në 112 vjetorin e saj.
“Luma fillon që nga Poslishti, një përrua afër Prizrenit dhe mbaron në Përroin e Veleshicës, poshtë Korabit. Në lindje ajo përfshin malin e Pikëllimës, Kallabakun, Sarakolin dhe Korabin në kufirin verior. Ndërsa kufiri jugor përfshin Malin e Zepës, Qafën e Komit dhe Përroin e Kalimashit. Luma përfshin gjithashtu dhe Drinin e Zi dhe Drinin e Bardhë.
Pikërisht këto kanë qenë faktorët e rëndësishëm që e kanë integruar këtë zonë në një krahinë. Qendra kryesore e Lumës sot është Kukësi, por më parë ka qenë Bicaj. Por para saj ka qenë Kalaja e Dodës. Kalaja e Dodës ishte ngjitur me Korabin.
Atje ishte vendosur edhe ushtria osmane dhe administrata osmane. Por edhe lumjanët e kishin bërë qendrën e tyre dhe ka pasur një zhvillim ekonomik”, u shpreh zoti Onuzi.
