Sot do të hedhen shortet për çerekfinalet e Champions League, Europa League dhe Conference League.
Shorti për çerekfinalen e Ligës së Kampionëve do të fillojë nga ora 12:00 dhe do të mbahet në selinë e UEFA-s në Nyon të Zvicrës.
Gjithsej tetë skuadra do të kalojnë në çerekfinale të Ligës së Kampionëve. Ato janë:
Benfica
Chelsea
Bajerni i Mynihut
AC Milan
Manchester City
Inter
Real Madrid
Napoli
Në të njëjtën ditë do të hidhen edhe shortet për gjysmëfinalet, duke vënë së bashku ndeshjet çerekfinale.
Ndeshja e parë çerekfinale do të zhvillohet më 11/12 prill ndërsa ndeshja e kthimit një javë më vonë më 18/19 prill.
Ndeshja e parë gjysmëfinale do të luhet më 9/10 maj dhe ndeshja e dytë më 16/17 maj.
Finalja e Ligës së Kampionëve 2022-23 do të mbahet në Stadiumin Olimpik Ataturk, në Stamboll, më 10 qershor 2023.
Shorti i çerekfinaleve të Europa Leagues do të hidhet menjëherë pas shortit të çerekfinaleve të Ligës së Kampionëve.
Finalja e Europa League 2023 do të luhet më 31 maj, duke u lejuar ekipeve disa javë për t’u përgatitur.
Shorti për çerekfinalet e Europa Conference League do të hidhet nga ora 14:00.
Ndeshjet do të zhvillohen të enjten, më 13 dhe 20 prill.
Klikoni KËTU për tu bërë pjesë e kanalit të TV Prizreni në Youtube.
