Të hënën, shqiptarët do të mblidhen para selisë së Organizatës së Kombeve të Bashkuara në New York.
Ata do të protestojnë kundër pjesëmarrjes së presidentit serb në takimin e Këshillit të Sigurimit të OKB-së që është paraparë të mbahet më 23 tetor.
Shqiptarët në Amerikë protestojnë para OKB-së, kërkojnë që Serbia të mbahet përgjegjëse
Përmes kësaj proteste, shqiptarët në Amerikë po kërkojnë që Serbia të mbahet përgjegjëse për krimet e luftës dhe sulmin terrorist në Banjskë. Protestën e ka organizuar Mark Gjonaj, anëtar i Këshillit bashkiak të New Yorkut, me mbështetjen e plot shoqatave të tjera shqiptaro-amerikane.
Temë kryesore në seancën e Këshillit të Sigurimit të OKB-së që do të mbahet do të jetë sulmi terrorist në Banjskë. Kosovën do ta përfaqësojë presidentja e vendit, Vjosa Osmani, dhe për Serbinë medias serbe patën raportuar se i pranishëm në Këshill do të ishte Aleksandër Vuçiq, megjithatë ditë më vonë kanë raportuar se e përfaqëson kryeministrja Ana Bërnabiq.
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Për herë të parë në Kosovë realizohet ndërhyrja kirurgjikale minimal invazive PCNL për trajtimin e gurëve të mëdhenj në veshka
Kthimi në LDK i Osmanit, Abdixhiku: Vjosa e ka vendin e vet të padiskutueshëm
Tahiri: Dekreti i Osmanit është kushtetues, opozita të bëhet bashkë
