Shaqir Totaj: Mytaher Haskuka, një kryetar cikërrimash

Kryetari i degës së PDK-së në Prizren, Shaqir Totaj, përmes një postimi në rrjeton social facebook, rivalin e tij nga i cili humbi garën për kryetar të Prizrenit, Mytaher Haskuka, e ka quajtur kryetar cikërrimash…

Postimi i plotë:

- Reklama -

Ardhja përmes disa votash cikërrimë, rreth 260 sosh, tek në raundin e dytë nga bashkimi i copëzave, pas humbjes prej 5 mijë votash në matjen një për një, sikur paralajmëroi shumëçka për kryetarin e Prizrenit fundvitin e 2017-ës.
Punën e nisi me ankesa, madje ankesa cikërrime, për mosfunksionimin e lap-topit e të ngjashme! Asnjë projekt kapital për 3 vjet të qeverisjes. Për çfarë do të mbahet mend një kryetar si Haskuka?!
Koha prej tri vjet të qeverisjes, që mjafton si përvojë për të konkurruar kudo në pozita, dëshmoi qartë se Haskuka nuk është i kalibrit për të përuruar projekte, të cilat i duhen qendrës së dytë të vendit, aq më pak një Kryeqyteti Historik si Prizreni.

Ai s’ka kapacitet si Kadri Kryeziu, që për dy muaj menjëherë pas lufte në fazën emergjente, rindërtoi objektin e Lidhjes Shqiptare, për ta përuruar 28 Nëntorin e parë të pas çlirimit.
Haskuka as që mund t’i ofrohet ish-kryetarit Eqrem Kryeziu, që përkundër kompetencave të fuqishme të UNMIK-ut, më 2004 pati rrënuar ndërtesën e vjetër të Komunës, për t’ia hapur pamjen një Monumenti Kombëtar, Lidhjes Shqiptare të Prizrenit, duke e zhvendos administratën, pikërisht në ndërtesën të cilën e shfrytëzonte UNMIK-u.
Do të ishte utopi të mendohet realizimi i ndonjë projekti të ngjashëm me “Shtëpinë e Bardhë”, siç bëri Eqrem Kryeziu, duke e bërë Prizrenin të parin qytet me një ndërtesë dinjitoze, që përveçse ofron kushte për të zgjedhurit e popullit, simbolizon edhe demokracinë amerikane.

Haskuka nuk është as afër Ramadan Mujës, që mbahet mend si kryetari me gërshërë në dorë për përurimin e projekteve të shumta kapitale, si shkollave, rregullimin e qendrës prej guri në zonën e parë të Prizrenit, rregullimin me katër korsi dhe semaforë të hyrje-daljeve të Prizrenit (Madje ai semaforët as s’po mund t’i vë në funksion).
Natyrisht që Haskuka, as që mund të krahasohet me Mujën, që pothuajse përmbylli tërë infrastrukturën rrugore, e të kanalizimeve nëpër fshatrat periferike, madje duke i bërë edhe rrugicat me kubëza. Ai konsiderohej si kryetari që “donte t’i bënte fshatrat si në Zvicër”.

Vazhdon nesër Pjesa II
Për çfarë mbahet mend Haskuka?!)…

- Reklama -

Shaqir Totaj: Mytaher Haskuka, një kryetar cikërrimash

Komuna e Prizrenit publikon listën përfituese të atyre që kanë plotësuar kriteret për rregullimin e kulmeve

Vidhen gjësende të konsiderueshme me vlerë nga një argjendari në Prizren, policia vihet në kërkim të autorëve

Nis zgjerimi i rrugës Tetovë-Prizren

ShSKUK: Viti 2024 ka shënuar rekord të rezultateve në fushën e Kardiologjisë Invazive

Komuna e Prizrenit njofton të gjitha OJQ-të që veprojnë në fushën e shërbimeve sociale

Të ngjajshme

Bangladeshi i kërkon Kosovës t’i rekrutojë punëtorë e t’i importojë veshmbathje dhe barna

Plaçkitja në argjendarinë në Prizren, reagon shoqata ESNAF

Komisionerja për Zgjerim: Presim lëvizje në Kosovë pas zgjedhjeve

EULEX-i përforcon Njësinë Policore të Specializuar për të mbështetur stabilitetin dhe sigurinë në Kosovë

Policia jep detaje për trupin e pajetë të 26 vjecarit nga Prizreni të gjetur sot tek “Drini i bardhë”

SHBA i jep dritën e gjelbër FSK-së për blerjen e helikopterëve

“Do të rriten pagat në sektorin privat” – Hamza: Zhvillimi i qëndrueshëm ekonomik, prioritet i PDK-së

Haradinaj u premton përkrahje bizneseve në Suharekë, fton Kurtin të largohet

Fatmir Limaj nga Suhareka: Sot, Suhareka, nesër Kosova do të bashkohen për fitoren e vendit