Një përleshje fizike ka ndodhur mesditën e sotme në Fushë Kosovë, ndërmjet Policisë dhe disa qytetarëve. Derisa Policia ka ndalur qytetarët, këta të fundit kanë sulmuar zyrtarët policorë.
Si pasojë e përleshjes fizike, policia ka shtënë me armë zjarri në drejtim të qytetarëve të përfshirë në këtë rast, ku njëri ka mbetur i plagosur.
Por, kur në fakt lejohet që zyrtari i Policisë së Kosovës të shkrepë armën?
Ligji për Policinë e Kosovës sqaron situatë kur zyrtarët policorë kanë të drejtë të përdorin armën e zjarrin. Mes të tjera në ligjin e Policisë aty thuhet se përdorimi i armës është i lejuar në proporcion me shkallën e rrezikut.
Pika e parë e nenit për përdorimin e armës së zjarrit thotë se përdorimi i armës është i lejuar nëse me mjete të tjera të policisë nuk arrihet objektivi i policisë.
Po ashtu theksohet se përdorimi i armës lejohet edhe në raste si ta: mbroj jetën e vet ose jetën e të tjerëve nga sulmet e pashmangshme, parandaloj kryerjen e pashmangshme apo vazhdimësinë e veprës penale që shkakton rrezik të lartë për jetën, arrestoj personin i cili paraqet rrezik për jetën e të tjerëve dhe që u reziston urdhrave ligjor të dhënë nga zyrtari policor dhe parandaloj arratisjen e personit i cili paraqet rrezik të pashmangshëm për jetën e personave të tjerë dhe që u reziston urdhrave ligjorë të dhënë nga zyrtari policor.
Po ashtu theksohet se para përdorimit të armës, polici është i detyruar ta paralajmërojë personin e dyshuar që të ndalet. Por, theksohet se arma mund të përdoret edhe pa u bërë paralajmërimi në raste të veçanta dhe në rrethana urgjente.