Kryeministri shqiptar, Edi Rama, publikoi sot pamje se si do të bëhet Baza Ajrore e Kuçovës.
Rama theksoi se kjo bazë ajrore i jep Shqipërisë një peshë të re strategjike në sigurinë evropiane.
“Ja si do të jetë Baza Ajrore e Kuçovës, e cila i jep vendit tonë një peshë të re strategjike në skakierën e sigurisë evropiane”, theksoi Rama.
“Nis investimi në Bazën ajrore të Kuçovës. Baza e Kuçovës do të shndërrohet në një bazë taktike të NATO-s. Ky investim rrit rëndësinë strategjike të vendit tonë”, thuhet në videon e publikuar nga kryeministri Rama.
“Punimet parashikojnë ndërtimin e depove të armatimit, depot e karburantit, stacionit kundër avarive dhe zjarreve, rindërtimin e pistës dhe kullës së kontrollit”, theksohet më tej në video.
“Qeveria shqiptare mbulon shpronësimin, rrethimin e bazës, ndërtimin e rrugëve lidhëse si dhe linjat tërësisht të reja të energjisë elektrike, ujit dhe telefonisë”, thuhet në video.
Investimi në këtë bazë arrin vlerën e rreth 45,8 milionë eurove dhe punimet parashihet të përfundojnë në vjeshtën e vitit 2023.
Klikoni KËTU për tu bërë pjesë e kanalit të TV Prizreni në Youtube.
