QKMF-ja në Prizren së shpejti fillon edhe me dy shërbime të reja

Qendra Kryesore e Mjekësisë Familjare (QKMF) në Prizren, ka njoftuar se pas furnizimit me paisje medicinale, ekipi i internistëve të QKMF-së ka filluar pregaditjet për planin e veprimit për dy shërbime te reja, ai i Holterit dhe  Ergometria që është një test mjekësor me qëllim të marrjes së të dhënave mbi gjendjen fizike të trupit të njeriut., raporton TV Prizreni

“EDHE NJË RISI NË KUJDESIN PARËSOR SHËNDETËSOR NË PRIZREN!
Pas furnizimit me paisje medicinale, ekipi i internistëve të QKMF-së ka filluar pregaditjet e planit të veprimit për dy shërbime te reja.
Me qëllim të rritjes së cilësisë së shërbimeve shëndetësore, së shpejti do fillojmë me metoda të reja diagnostike për sëmundjet e zemrës.Holteri dhe Ergometria jenë dy shërbime të reja mjekësore të cilat shumë shpejtë do fillojnë të ofrohen në QKMF-në e komunës sonë.
Holteri mundëson zbulimin e ç’rregullimeve të ritmit të zemrës ndërsa ergometria zbulon sëmundjet iskemike të zemrës.
Me këto dy shërbime të reja KPSH-ja në Prizren është e vetmja në nivel Republike që u’a mundëson pacientëve të Komunës së Prizrenit këto shërbime mjekësore” thuhet në njoftim