Qeveria në detyrë është duke mbajtur mbledhje ku pritet të merret vendim për marrjen e masave të reja anti-Covid.
Në këtë mbledhje pritet të votohet zgjatja e orarit të lëvizjes si dhe zgjatja e orarit të punës për bizneset.
Gazeta Online “Reporteri.net” ka siguruar dokumentin ku tregon se kabineti qeveritar po shqyrton propozim-vendimin për masat e përgjithshme për mbrojtjen nga pandemia Covid-19, i propozuar nga Ministria e Shëndetësisë është pika e veteme e rendit të ditës.
Orari i lëvizjes së qytetarëve dhe punës së operatorëve ekonomikë pritet të zgjatet deri në orën 22:00 të mbrëmjes në të gjitha zonat e rrezikut, por që ende nuk është votuar.
