Në ambientet e bibliotekës “Hivzi Sylejmani” në Prishtinë, u mbajt promovimi i romanit “Zëri që kurrë nuk u shua – Fetah Bahtiri përballë trashëgimisë së tij” nga autorja hasjane, Hyrë Tejeci Murati.
Aktiviteti mblodhi dashamirës të letërsisë, studiues, personalitete të jetës kulturore dhe qytetarë të shumtë, të cilët patën rastin të njihen më nga afër me veprën dhe mesazhin që përcjell ky roman. Gjatë promovimit, referuesit vlerësuan kontributin e autores në trajtimin e temave me rëndësi historike, kombëtare dhe shoqërore, duke e cilësuar librin si një vepër me vlera të veçanta letrare dhe dokumentare.
E pranishme në këtë ngjarje ishte edhe kuvendarja e Prizrenit nga radhët e Levizjës Vetëvendosje, Shqipe Shatri, e cila u shpreh krenare me miken dhe bashkëvendasen e saj, duke e cilësuar autoren si frymëzin për të dhe gjithë Hasin.
