Policia e Kosovës në Gjilan ka kërkuar ndihmën e qytetarëve për identifikimin dhe arrestimin e dy personave të dyshuar për veprën penale vjedhje e rëndë.

Në kërkesën e policisë drejtuar qytetarëve thuhet se nuk dihet as datëlindja e të kërkuarve, as adresa e banimit e as komuna prej nga vijnë.

“Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim identifikimin, lokalizimin dhe arrestimin e të dyshuarve, lëshon këtë kërkesë për bashkëpunim me qytetarë dhe mediat”, thuhet në kërkesën e Policisë.