Policia në Gjermani ka bërë të ditur se ka shkatërruar një sasi kokaine me një vlerë prej rreth 270 milionë euro.
Rreth 1.5 ton drogë u dogjën në operacionin më të madh të tillë të tyre, thuhet nga policia.
Autoritetet thanë se droga u dogj të martën nën masa të rrepta sigurie në një strukturë të pazbuluar në jug të Bavarisë, shkruan Euronews.
Djegia, të cilën policia e quajti “Operacioni i shkrirjes së borës”, ka shkatërruar kokainën e kapur në hetime të ndryshme gjatë viteve të fundit.
Në një nga këto raste, rreth 200 kilogramë drogë u gjetën të fshehura në arka me banane nga punonjësit e 10 supermarketeve bavareze në shtator të vitit 2017.
“Kokaina është një narkotik shumë i rrezikshëm me të cilin shkelësit e paskrupullt dhe të mirëorganizuar fitojnë shumë para,” tha Harald Pickert, President i Zyrës së Policisë Kriminale të Bavarisë.
Klikoni KËTU për tu bërë pjesë e kanalit të TV Prizreni në Youtube.
