Pianistja e re nga Prizreni, Hira Haxhibeqiri, ka arritur një tjetër sukses të rëndësishëm në skenën ndërkombëtare të muzikës klasike, duke u vlerësuar nga International Piano Balkan Academy “Sigismund Thalberg” pas përfundimit me sukses të vitit të parë të specializimit.
Si rezultat i angazhimit dhe performancës së saj, Haxhibeqiri është nderuar me Diplomën e Specializimit, ndërsa ka fituar edhe një bursë studimi prej 80 për qind për vazhdimin e specializimit në bashkëpunim me Accademia Musicale Europea në Itali dhe Trinity College London në Mbretërinë e Bashkuar.
Po ashtu, ajo është pajisur me Certificate of Completion dhe është përzgjedhur për Winning Concert Prize, duke fituar të drejtën për të marrë pjesë në koncerte dhe aktivitete artistike ndërkombëtare të organizuara nga Akademia.
