Partia Demokratike e Kosovës (PDK) ka reaguar lidhur me protestat për miratimin e ligjit që, sipas kësaj partie, synon mbrojtjen e UÇK-së, duke kërkuar nga Qeveria ndaljen e përdorimit të forcës ndaj protestuesve.
Në një komunikatë për media, PDK ka dënuar atë që e cilëson si përdorim të dhunës ndaj qytetarëve dhe ka kërkuar nga institucionet përgjegjësi për veprimet e ndërmarra gjatë protestave.
Sipas PDK-së, nuk ka pengesa ligjore për miratimin e këtij ligji dhe kjo, sipas saj, është konfirmuar edhe në opinionin e Qeverisë. Partia kërkon që procesi të përmbyllet pa vonesa.
