Ukraina ka mbjellë afër 7 milionë hektarë tokë deri në prill, ose 25-30 për qind më pak krahasuar me periudhën e njëjtë të vitit të kaluar. Po ashtu ka eksportuar 1.090 milion ton drithë në prill, tha ministri ukrainas i Agrikulturës, Mykola Solskyi.
Ai tha se eksportet e drithërave po bëhen përmes Rumanisë, pasi Rusia po bllokon portet ukrainase, por shtoi se këto eksporte mund të vështirësohen në dy muajt e ardhshëm, për shkak se duhet të eksportohen edhe gruri i korrur për në Rumani dhe Bullgari.
“Mbjellja e kulturave po vazhdon në mënyrë aktive pavarësisht vështirësive që kryesisht lidhen me logjistikën”, tha Solskyi gjatë një konference për media më 9 maj.
Sipas ministrit ukrainas, gjatë këtij viti është mbjellë më pak sipërfaqe me misër.
