Komuna e Prizrenit në faqen e saj zyrtare ka njoftuar se pas diskutimeve publike me të gjithë qytetarët, përfaqësuesit e fshatrave dhe ata të OJQ-ve, shoqatave e të biznesit në Komunën e Prizrenit, për hartimin e buxhetit 2023, sot kryetari Totaj ia ka dorëzuar projekt buxhetin Kryesueses së Kuvendit Komunal, Antigona Bytyqi, e cila do të vazhdoj me procedura të tjera ligjore deri në miratimin e buxhetit për vitin 2023 nga anëtarët e Kuvendit Komunal të Prizrenit.
Njoftimi i plotë:
Pas konsultimit publik për projekt-buxhetin 2023, Totaj ia dorëzon Kryesueses për procedurat e tjera ligjore
Pas një pune të madhe përmes dëgjimeve publike me të gjithë qytetarët, përfaqësuesit e fshatrave dhe ata të OJQ-ve, shoqatave e të biznesit në Komunën e Prizrenit, për hartimin e buxhetit 2023, së bashku me zyrtarët komunalë të grupit për hartimin e buxhetit, kemi dhënë kohën dhe energjinë e duhur për kompletimin e projekt buxhetit 2023, në të cilin janë trajtuar të gjitha kërkesat, sugjerimet dhe idetë e qytetarëve, të cilat, sipas prioriteteve, kanë hy në këtë projekt buxhet.
Këto dëgjime publike u mundësuan qytetarëve të jenë pjesë e ekzekutivit në formimin e qëndrimeve, duke ndihmuar kështu në krijimin e bashkëpunimit me Komunën e Prizrenit.
Sot, ia dorëzova projekt buxhetin Kryesueses së Kuvendit Komunal, Antigona Bytyqi, e cila do të vazhdoj me procedura të tjera ligjore deri në miratimin e buxhetit për vitin 2023 nga anëtarët e Kuvendit Komunal të Prizrenit.
Pas miratimit në Kuvend, buxheti për vitin 2023 do të publikohet në ueb faqen zyrtare të Komunës së Prizrenit, në rubrikën “Financa”.
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Ministri shqiptar i Mbrojtjes: Siguria e Kosovës garantohet nga NATO
KFOR: S’kemi identifikuar dronë që mund të rrezikojnë sigurinë e Kosovës
82 vjeçari goditet nga vetura në Prizren
