Deputetja e Lidhjes Demokratike të Kosovës dhe ish-presidentja e Kosovës, Vjosa Osmani, ka mirëpritur hapjen e urës kryesore mbi lumin Ibër dhe kalimin e përgjegjësive te Policia e Kosovës, që sipas saj, ndihmojnë edhe më tej integrimin e plotë të çdo pjese të territorit të Kosovës.
Ajo theksoi se për më shumë se 27 vjet, ndarja e Mitrovicës, përveçse krijoi pasiguri dhe probleme në sundimin e ligjit, mundësoi spastrimin etnik të shqiptarëve dhe uzurpimin e pronave të tyre, e njëkohësisht i dha Serbisë alibi për të vazhduar me ëndrrat e saj hegjemoniste për ndarjen e Kosovës.
Prandaj, sipas saj, qarkullimi i lirshëm mbi urën kryesore të lumit Ibër, përveçse bashkon njerëz, mbi të gjitha është një hap historik drejt luftimit të tendencave të Serbisë për gllabërim territoresh.
